21 න් පහළ බැඞ්මින්ටන් ශූරතාවලියෙන් රන් 1ක්, රිදී 1ක් හා ලෝකඩ 4ක්

Star InactiveStar InactiveStar InactiveStar InactiveStar Inactive
 

මාලදිවයිනේ අඩ්ඩු නගරයේදී පැවැති දකුණු ආසියානු කළාපීය වයස 21 න් පහළ බැඞ්මින්ටන් ශූරතාවලියේ කේවල සහ යුගල ඉසව්වලදී රන් පදක්කමක්, රිදී පදක්කමක් සහ ලෝකඩ පදක්කම් 4 ක් දිනාගැනීමට ශ්‍රී ලංකා යොවුන් ක්‍රීඩක ක්‍රීඩිකාවෝ සමත් වූහ.

එහිදී බාලිකා යුගල ඉසව්වේ රන් පදක්කම දිනාගත් ශ්‍රී ලංකා කණ්ඩායම, මිශ්‍ර කණ්ඩායම් ඉසව්වේ රිදී පදක්කමද, බාලක කේවල, බාලිකා කේවල සහ බාලක යුගල යන ඉසව්වලදී ලෝකඩ පදක්කම්ද දිනාගැනීමට සමත් විය.

ශ්‍රී ලංකාව සතුවූ එකම රන් පදක්කම දිනාදුන් ටෙෂානි නයනතාරා සහ හසාරා විජේරත්න බාලිකා යුගල අවසන් මහ තරගයේදී වට 2-1 ක් ලෙස ඉන්දියාවේ දීපෂිඛා සිං සහ මාන්සි සිං පරාජය කිරීමට සමත් වූහ.

තරග ප්‍රතිඵල

බාලිකා යුගල අවසන් මහ තරගය
ටෙෂානි නයනතාරා සහ හසාරා විජේරත්න (ශ්‍රී ලංකාව) විසින් වට 2-1 ක් ලෙස දීපෂිඛා සිං සහ මාන්සි සිං (ඉන්දියාව) පරාජය කරන ලදී. (8/21, 24/22, 21/17)

මිශ්‍ර කණ්ඩායම් අවසන් මහ තරගය
ඉන්දියාව විසින් වට 3-1 ක් ලෙස ශ්‍රී ලංකාව පරාජය කරන ලදි.

බාලිකා කේවල අවසන් පූර්ව තරගය
මාන්සි සිං (ඉන්දියාව) විසින් වට 2-0 ක් ලෙස හසිනි අම්බලන්ගොඩ (ශ්‍රී ලංකාව) පරාජය කරන ලදී. (21/15, 21/16)

බාලක කේවල අවසන් පූර්ව තරග
සරත් දුන්නා (ඉන්දියාව) විසින් වට 2-1 ක් ලෙස දුමිඳු අබේවික්‍රම (ශ්‍රී ලංකාව) පරාජය කරන ලදී. (21/11, 11/21, 21/06)
ප්‍රින්ස් දාහාල් (නේපාලය) විසින් වට 2-1 ක් ලෙස සසිඳු රන්තුෂ්ක (ශ්‍රී ලංකාව) පරාජය කරන ලදී. (16/21, 21/15, 21/18)

බාලක යුගල අවසන් පූර්ව තරගය
සරත් දුන්නා සහ චරන් කෝයා (ඉන්දියාව) විසින් වට 2-0 ක් ලෙස දීගායු කහටපිටිය සහ ලකිඳු රණවීර (ශ්‍රී ලංකාව) පරාජය කරන ලදී. (21/13, 21/15)

MirrorGames.lk © 2019

Search