Star InactiveStar InactiveStar InactiveStar InactiveStar Inactive

සංචාරක ඉන්දීය කණ්ඩායම සහ ඕස්ට්‍රේලියා කණ්ඩායම අතර බ්‍රිස්බේන්හිදී ඊයේ (21) පැවැති පළමු විස්සයි - 20 ක්‍රිකට් තරගය ඩක්වත් ලුවිස් න්‍යායට අනුව ලකුණු 4 කින් ජයගැනීමට ඕස්ට්‍රේලියා කණ්ඩායම සමත්විය.

Star InactiveStar InactiveStar InactiveStar InactiveStar Inactive

සත්කාරක පාකිස්තාන කණ්ඩායම පරාජය කර අබුඩාබිහිදී ඊයේ (19දා) අවසන් වූ පළමු ටෙස්ට් ක්‍රිකට් තරගයෙන් ලකුණු 04ක තියුණු ජයක් ලැබීමට සංචාරක නවසීලන්ත කණ්ඩායම සමත් විය.

Star InactiveStar InactiveStar InactiveStar InactiveStar Inactive

බංග්ලාදේශ එක්දින ක‍්‍රිකට් නායක 35 හැවිරිදි මස්රාෆි මොර්ටාසා ලබන මස පැවැත්වෙන එරට මහ මැතිවරණය සදහා තරග වැදීමට සූදානමින් ඇතැයි විදෙස් මාධ්‍ය වාර්තා කරයි.

Star InactiveStar InactiveStar InactiveStar InactiveStar Inactive

ජපානයේ පැවැති රිලේ තරගයකදි කාන්තා ක්‍රීඩිකාවකගේ අස්ථියක් බිදීයාම හේතුවෙන් පසුව ඇය මාර්ගයේ දණ ගාමීන් අනෙක් ක්‍රිඩිකාව වෙත යෂ්ඨිය දිමට කටයුතු කර ඇතැයි වාර්තා වේ.

Star InactiveStar InactiveStar InactiveStar InactiveStar Inactive


ලෝක කුසලාන කාන්තා විස්සයි 20 තරගාවලියේ අයර්ලන්ත කාන්තා කණ්ඩායමට එරෙහිව ඕස්ට්‍රේලියා කාන්තා කණ්ඩායමත්, පකිස්තාන කාන්තා කණ්ඩායමට එරෙහිව ඉන්දීය කාන්තා කණ්ඩායමත් ඊයේ ( 11 වැනිදා ) සිය ජයග්‍රහණ වාර්ථා කළේය. එම ජයග්‍රහණයන් සමගින් ‘බී‘ කාණ්ඩයේ පෙරමුණ ගැනීමට ඕස්ට්‍රේලියාව සමත් වෙද්දී, ඉන්දියාව දෙවැනි තැනට පත්ව සිටියි. 

අයර්ලන්ත ඕස්ට්‍රේලියා තරගයේ පළමුවෙන් පන්දුවට පහර දුන් අයර්ලන්ත කණ්ඩායමට පන්දුවාර 20 අවසානයේ කඩුලු 6 ක් දැවී ලබාගත හැකි වූයේ ලකුණු 93 ක් පමණි. ඒ අනුව ලකුණු 94 ක ඉලක්කය හඹා ගිය ඕස්ට්‍රේලියානු කාන්තා කණ්ඩායම පන්දුවාර 9.1 කදී කඩුල්ලක් පමණක් දැවී සිය ඉලක්කය පහසුවෙන් සපුරා ගත්තේය.

විශිෂ්ට පිතිහරඹයක නිරත වූ ඇලිසා හේලි පන්දු 21 කදී හයේ පහරක් හා හතරේ පහර 9 ක් සමගින් නොදැවී ලකුණු 56 ක් රැස් කිරිමට සමත් වූවාය. ඒ අනුව මෙතෙක් සහභාගී වූ තරග දෙකම ජයනිමින් ඕස්ට්‍රේලියාව  ප්‍රසාද ලකුණු සටහනේ පෙරමුණේ පසුවෙයි.

ඉන්දීය කාන්තා කණ්ඩායම හා පකිස්තාන කාන්තා කණ්ඩායම අතර පැවැති තරගයෙන් කඩුලු 7 ක විශිෂ්ට ජයක් ලැබූ ඉන්දීය කණ්ඩායම මෙතෙක් සහභාගී වූ තරග දෙකම ජය ගනිමින් ප්‍රසාද ලකුණු සටහනේ දෙවැනි තැනට පත්ව සිටියි.

ලකුණු 134 ක ඉලක්කය හඹා යාමට පිටියට පිවිසි ඉන්දීය කාන්තාවෝ පන්දුවාර 19 කදී කඩුලු 3 ක් පමණක් දැවී සිය ඉලක්කය පහසුවෙන්ම සපුරා ගත්හ. ඉන්දීය කණ්ඩායම ජයග්‍රහණය කරා රැගෙන ගිය මිතලි රාජ් පන්දු 47 කදී හතරේ පහර 7 ක් සමගින් ලකුණු 56 ක් රැස් කිරීමට සමත් වුවාය.

කාසියේ වාසියේ ඇරයුමින් පඵමුවෙන් පන්දුවට පහර දීමට පිටියට පිවිසි පකිස්තාන කාන්තා කණ්ඩායමට පන්දුවාර 20 අවසානයේ කඩුලු 7 කට රැස්කර ගතහැකි වූයේ ලකුණු 133 ක් පමණි. පක්ස්තාන කාන්තා කණ්ඩායමේ මැදපෙළ පිතිකාරිණියන් දෙපළක් වන බිස්මා මරූෂ් ( ලකුණු 53 ) හා නිදා ඩාර් ( ලකුණු 52 ) බැගින් ලබා කඩා වැටී තිබූ පකිස්තාන ඉනිම ගොඩ නැගීමට සමත් වූහ.

Star InactiveStar InactiveStar InactiveStar InactiveStar Inactive


සංචාරක බටහිර ඉන්දිය කොදෙව් කණ්ඩායම එරෙහිව ලකුණු 244 ක විශිෂ්ට ජයක් ලැබූ ඉන්දීය කණ්ඩායම තවත් තරගයක් ඉතිරිව තිබියදි තරග 2-1 කින් එක්දින තරගාවලියේ පෙරමුණ ගැනීමට අද (29 වැනිදා ) සමත් විය.

ලකුණු 378 ක දැවැන්ත ඉලක්කය හඹා යාමට පිටියට පිවිසි බ. ඉන්දීය කොදෙව් කණ්ඩායමට පන්දුවාර 36.2 කදී සියලු දෙනා දැවී රැස්කර ගත හැකි වුයේ ලකුණු 153 ක් පමණි. එක්දින ක්‍රිකට් ඉතිහාසයේ කොදෙව්ව ලැබූ දරුණතම දෙවැනි පරාජය බවට මෙම තරගය ඉතිහාසයට එක් වෙද්දී, ඉන්දියාව එක්දින ක්‍රිකට් ඉතිහාසයේ වැඩිම ලකුණු සංඛ්‍යාවකින් තරගයක් ජයගත් තෙවැනි අවස්බතාව බවට මෙය පත්විය.

කොදෙව් ඉනිමේ එකම ලකුණු ලාබියා බවට පත් වූ නායක ජේසන් හෝල්ඩර් පන්දු 70 කදී හයේ පහර 2ක් සහ එක් හතරේ පහරක් සමගින් නොදැවී ලකුණු 54 ක් රැස් කිරීමට සමත් විය . වෙනත් කිසිදු ක්‍රීඩකයෙකුට ලකුණු 20 සීමාවටත් ලගා වීමට අවස්ථාව නොදුන් කලීල් මොහොමඩ් හා කුල්දීප් යදේව් දක්ෂ පන්දු යැවීමක නිරත වෙමින් ඉන්දීය කණ්ඩායම ජයග්‍රහණය කරා රැගෙන ගියහ.

කාසියේ වාසිය ජයග්‍රහණය කරමින් පළමුවෙන් පන්දුවට පහරදුන් ඉන්දීය කණ්ඩායම නියමිත ඕවර 50 අවසානයේ කඩුලු 5 ක් පමණක් දැවී ලකුණු 377 ක් රැස් කිරීමට සමත් විය. විශිෂ්ට පිතිහරඹයක නිරත වූ රොහිත් ෂර්මා (ලකුණු 162 ) සහ අම්භති රයිදු ( ලකුණු 100 ) බැගින් ලබා ගනිමින් ඉන්දීය ලකුණු පුවරුව ඉහලට ඔසවා තැබූහ.

තරගාවලියේ විශිෂ්ටතම ක්‍රිඩාකයා බවට පත්ව සිටින විරාට් කෝලිට මෙම තරගයේදී රැස්කර ගත හැකිවූයේ ලකුණු 16 ක් පමණි. පිට පිට ශතක 3 ක් ලබා ගනිමින් සිටි විරාට් කෝලිට, මෙම තරගයේදී තවත් ශතකයක් කරා යෑමට අවස්ථාව ලැබුනේ නම්, පිට පිට ශතක 4ක් රැස්කල ලොව දෙවැනි ක්‍රිඩකයා බවට පත් වීමට හැකියාව තිබිණ. මෙහි පෙරමුණේ තවමත් ශ්‍රී ලංකා හිටපු ක්‍රීඩක කුමාර් සංගක්කාර පසුවන අතර සංගක්කාර විසින් 2015 වසරේ පැවැති ලෝක කුසලාන ක්‍රිකට් තරගාවලිය අතරවාරයේ පිට පිට ශතක 4 ක් රැස් කිරීමට සමත් විය.

විශිෂ්ට ඉනිමක් ක්‍රීඩාකල රොහිත් ශර්මා පන්දු 137 කදී හයේ පහර 4 ක් සහ හතරේ පහර 20 ක් සමගින් ලකුණු 162 ක් රැස් කරද්දී, අම්බති රයිදු පන්දු 81 කදී හයේ පහර 4 ක් සහ හතරේ පහර 8 ක් සමගින් ලකුනු 100 ක් රැස් කිරීමට සමත් විය.

පන්දු යැවීමේදී කෙමාර් රෝච් ලකුණු 74 කට කඩුලු 2 ක් බිද හෙලද්දී, ඈෂ්ලි නර්ස් හා කීමෝ පෝල් අතරේ එක් කඩුල්ල බැගින් බෙදී ගියහ.

MirrorGames.lk © 2019

Search